Numri i vdekjeve nga pandemia e koronavirusit në Spanjë kaloi 10,000 të enjten, pasi vendi raportoi numrin më të lartë të vdekjeve në një ditë të vetme që nga fillimi i shpërthimit të sëmundjes.
Plot 950 viktima janë shënuar në 24 orët e fundit në Spanjë duke e çuar numrin e plotë të vdekjeve në 10,003 dhe atë të infeksioneve në 110.238.
Spanja ka numrin e dytë më të lartë të vdekjeve nga koronavirusi pas Italisë, ku më shumë se 13,000 njerëz kanë vdekur nga sëmundja.
Më shumë se 6,000 njerëz aktualisht kanë nevojë për trajtim të kujdesit intensiv ndërsa afër 27,000 pacientë janë shëruar nga Covid-19.
Bilanci tragjik vjen pasi Mbretëria e Bashkuar dhe Shtetet e Bashkuara gjithashtu raportuan numrin e tyre më të lartë të vdekjeve në një ditë të vetme që nga fillimi i pandemisë së koronavirusit.
SHBA ka regjistruar 884 vdekje nga koronavirusi, sipas të dhënave të mbledhura nga Universiteti Johns Hopkins. Ajo gjithashtu ka konfirmuar më shumë se 213,000 raste të sëmundjes.
/Independent
