Deputeti i opozitës Adriatik Alimadhi u shtrua sot në spitalin e Infektivit, pak orë pasi zbuloi përmes rrjetit social në Facebook, se është infektuar me koronavirus.
Alimadhi ka folur për “ABC Neës” për gjendjen e tij shëndetësore, ku ka deklaruar se ka mbërritur në spitalin Infektiv dhe ka marrë dhe shërbimet e para shëndetsore.
Ai është shprehur se fatmirësisht gjendja e tij vijon të mbetet e stabilizuar dhe nuk ka shfaqur komplikacione. Gjithashtu deputeti ka theksuar se bashkëshortja e tij, e cila gjithahstu është infektuar, ndodhet në gjendje të mirë shëndetësore në ambientet e shtëpisë.
Alimadhi tregoi se pas postimit të tij ka reaguar kryeministri dhe ministrja e Shëndetësisë. Tashmë gjendja e deputetit do të monitorohet nga mjekët e Infektivit.
Në statusin e tij, Alimadhi akuzonte kryeministrin Rama për mungesën e infrastrukturës në spitale dhe për autoambulancën e rrënuar, e cila e kishte çuar për në Sanatorium ku edhe bëri analizat.
