Dy ditë më parë, drejtori i Urgjencës, Skënder Brataj, rezultoi pozitiv me Covid-19.
Lajmin e bëri të ditur Ministrja e Shëndetësisë, Ogerta Manastriliu, e cila tregoi se gjendja e tij është e stabilizuar dhe Brataj është izoluar në shtëpinë e tij.
Brataj është pjesë e task forcës pranë Ministrisë së Shëndetësisë për Koronavirusin dhe ai ka qenë në ballë të luftës me epideminë.
Pas infektimit të tij, ai ka marrë mesazhe të shumtanga njerëzit, të cilët i kanë dhënë mbështetje dhe i kanë uruar shërim sa më të shpejtë.
Pikërisht këto mesazhe kanë qenë kura më e mirë ndaj Covid-19 për të.
Në një status në llogarinë e tij në Facebook, Brataj falenderon këdo që i ka shkruar këto ditë, duke treguar se tashmë është më mirë dhe do të kthehet që ta vazhdojmë së bashku këtë betejë të ashpër.
“Përshëndetje!
Mesazhet tuaja qenkan jo vetëm kurajo, por medikamenti më i mirë i kësaj terapie kundër koronavirusit Sars Cov2, që shkakton sëmundjen e COVID-19.
Nuk e them për t’ju falenderuar më shumë nga ç’duhet, nuk e them për tu dukur më i rëndësishëm, nuk e them për publicitet, nuk e them per të marre sa më shumë share…
Jo! Për asnjë nga këto arsye!
Si gjithmonë, i drejtpërdrejtë me ju, këtë e ndjej ta them, e ndjej ta shpreh, e ndjej ta ndaj me ju qindra e mijëra persona që i shoh për herë të parë në profilin tim, e ndjej ta ndaj me pacjentë, miq, shokë, mjekë, infermierë, shoferë, sanitarë, kolegë, profesionistë, bashkëpunëtorë, politikanë, gazetarë, media dhe njerëz të thjeshtë, që nuk pushuat dhe vazhdoni të shkruani e të më uroni shërim të shpejtë.
Nuk është aspak e thjeshtë për askënd të marë lajmin se është i infektuar nga coronavirusi; nuk është aspak lajm i mirë kur ke të gjitha shenjat dhe simptomat e sëmundjes, kësaj sëmundje tinzare dhe jo plotësisht të njohur; nuk është aspak e këndshme që familiarët dhe bashkëpunëtorët e tu të njoftohen nga mediat!
Ju garantoj se kura më e mirë është POZIVITETI JUAJ pa fund, pa masë, pa ndërprerje, pa limit, pa dallim, pa kufij, nga çdo qytet, fshat, apo shtet, që çdo ditë të jep energji, të jep kurajo, të jep emocion, të jep dashuri humane pa fund, aq sa shumë herë të derdhësh lot, po lot me ngashërim, lot që pushojnë vetëm kur heq sytë nga ato mesazhe, sms, apo hartime tuajat të shkruajtura me fjalë zemre, me dashuri nëne, shoku, kolegu, me ndjenjë humane.
Unë tani kam pak kollë dhe shenja më të lehta të semundjes. Jam më mirë, edhe falë këtij poziviteti të vazhdueshëm që ju më dhuroni.?
Shpresoj të kthehem sa më shpejt……
UNË DO TË KTHEHEM që të vazhdojmë këtë betejë të ashpër së bashku, për t’ju shprehur edhe njëherë, SHUMË, SHUMË, SHUMË, SHUMË MIRËNJOHJE !
FALNDERIMI PËR JU ËSHTË SHUMË PAK!
Dr. Skender Brataj”- janë fjalët e tij në postim.
https://www.facebook.com/skender.brataj/posts/10221435983671093
