Virusi vdekjeprurës Covid-19 i cili ka përhapur panik në mbarë botën, po rrit frikshëm dita-ditës shifrat e personave të infektuar dhe jetëve të humbura.
Në Serbi, numri i jetëve të humbura nga kjo epidemi ka shkuar në 4.
Ky lajm u konfirmua nga Ministri i Shëndetësisë, Zlatibor Loncar.
Pacientja e fundit që humbi jetën ishte një grua 60-vjeçare, e cila s’mundi t’i bëjë ballë epidemisë.
Gjithashtu, në Serbi numërohen deri tani 303 raste të konfirmuara me Covid-19.
Mes tyre janë infektuar edhe dy foshnja, gjendja e të cilave ende nuk dihet.
Ndërsa në vendin tonë, numri i të prekurve ka shkuar në 123 dhe 5 persona kanë ndërruar jetë.
