Politikanët shqiptarë janë mbyllur në shtëpi këtë periudhë izolimi, që është pjesë e masave të ndërmarra kundër përhapjes së koronavirusit në vend.
Ndonëse kryeministri punon nga zyra gjatë javës dhe shkon në shtëpi gjatë fundjavës siç bëri me dije pak më parë në një video, deputetët do të bëjnë mbledhje online përmes një platforme të re.
“ABC News” ka siguruar këto foto që vijnë nga testët që Komisioni i Ligjeve, ai i Jashtëm, i Sigurisë, dhe ai i Shëndetësisë, ku deputetët kanë provuar sitemin që do të përdorin në ditët e ardhshme për të zhvilluar mbledhjet e punës.
Në to shohim Mimi Kodhelin, Eglantina Gjermenin, Ramë Lalën, Evis Kushin pa makijazhin dhe paraqitjen e kujdesur që kanë në daljet publike!
Komisioni i Ekonomisë do të jetë përgjegjës për aktin normativ për ndryshimet buxhetore që krijojnë një paketë 12 miliardë lekësh për të ndihmuar ekonominë e prekur nga corona-virusi.
Ndërsa Komisioni i Ligjeve dhe ai i Shëndetësisë, do të shqyrtojnë aktet normative që përmbajnë sanksionet ndaj shkelësve të karantinës apo ndalimqarkullimit.
