Numri i të prekurve dhe viktimave nga koronavirusi po rritet nga dita në ditë.
Në Greqi në 24 orët e fundit kanë ndërruar jetë 2 persona dhe numri total i viktimave ka shkuar në 17.
Që nga shpërthimi i COVID-19 në Greqi numri i të infektuarve ka shkuar në 624 dhe 18 persona janë në gjendje kritike për jetën.
Ndërsa në Maqedoninë e Veriut, ditën e sotme është konfirmuar viktima e dytë.
Viktima është një burrë 63-vjeçar nga Dibra.
Viktima e parë ishte një 57-vjeçare nga qyteti i Kumanovës, e cila pasi ndërroi jetë u diagnostikua me Covid-19.
Numri i të infektuarve në Maqedoninë e Veriut ka shkuar në 115 dhe qeveria ka marrë masa të rrepta për parandalimin e përhapjes së virusit.
