Mjeku Infeksionist Pëllumb Pipero: “Mbi 30 persona të shtruar te Infektivi, jemi ende në fillimet e epidemisë”!
Mbi 30 pacientë janë të shtruar në spitalin Infektiv, nga Tirana, Durrësi, Fieri, Elbasani dhe Rrogozhina.
Lajmi u konfirmua sërish sot nga mjeku Infeksionist, Pëllumb Pipero, i cili ishte i ftuar në studion e emisionit “Rreze Dielli”.
Mjeku tha se numri i të shtruarve, të prekur nga Koronavirus te Infektivi ka arritur mbi 30 ndërkohë që bën thirrje të jemi të kujdesshëm, pasi jemi ende në fillimet e epidemisë.
“Numri i të personave me koronavirus të shtruar te Infektivi ështe mbi 30. Jemi ende në fillimet e epidemisë dhe nuk e dimë se sa mund të shkojë numri i të prekurve”, thotë Pipero.
Dje Ministria e Shëndetësisë, njoftoi se janë testuar 60 persona të dyshuar, prej të cilëve janë konfirmuar 4 raste të reja me COVID-19.
Tre janë raste kontakti në gjendje të mirë shëndetësore dhe një rast i ri, një pacient 66-vjeçar që po trajtohet në terapi intensive në spitalin infektiv në QSUT. Deri në këto momente janë testuar 665 raste të dyshuara dhe prej tyre janë të konfirmuar pozitivë me COVID-19, 59 raste.
/Iconstyle.al
