Mbrëmjen e kaluar, Fushë-Kruja u trondit nga një aksident fatal që i mori jetën katër personave.
Ngjarja e rëndë ndodhi në kryqëzimin e Borizanit, teksa ata që udhëtonin me “Audi” u përplasën me një trailer me targa Kosove.
Tre prej tyre ndërruan menjëherë jetë, ndërsa njëri prej të mbijetuarve u dërgua me urgjencë për në Spitalin e Traumës në Tiranë.
Megjithatë, as ky i fundit s’mundi t’i rezistonte plagëve të marra dhe ndërroi jetë pak momente më vonë.
Janë bërë të ditur edhe emrat e personave që humbën jetën në mënyrë tragjike mbrëmjen e kaluar.
Viktimat janë Fatlum Xhikoli, 33 vjeç, Arben Kani, 36 vjeç, Nazim Rrahmani, 36 vjeç dhe Luljan Mahilaj 45 vjeç.
Shkak i aksidetit fatal dyshohet të jetë bërë shpejtësia tej normave të lejuara.
Sipas të dhënave të para, të rinjtë po ktheheshin nga veriu për në Tiranë.
