U nis për në Milano, i moshuari 70-vjeçar humb kontaktet me familjen

Familjarët e një 70-vjeçari të identifikuar si Gjekë Marku kanë denoncuar humbjen e tij që prej datës 7 mars.

I moshuari, i datëlindjes 15.08.1950 nga fshati Ças i Velipojës në Bashkinë e Shkodrës po kërkohet nga familjarët e tij pasi prej më shumë se një jave nuk kanë pasur asnjë kontakt me të.

Lexo edhe :

LinkedIn pushon nga puna 5% të fuqisë punëtore pas një njoftimi të brendshëm të papritur

22:34 13/05/26

Instagram lançon Instants, një funksion të ri që zhduket për ndarje rastësore të fotove

21:38 13/05/26

Familjarët janë shprehur se nga të dhënat e sistemit TIMS, Marku nga Çasi i Velipojës më 7 mars 2020 ka kaluar përmes Pikës së Kalimit Kufitar Muriqan-Sukobinë me autobusin e linjës Shkodër-Milano.

Në datën 08.03.2020 ka zbritur në qytetin e Milanos, por nuk ka lajmëruar të afërmit e tij. Aktualisht Italia është në një izolim mbarëkombëtar dhe shqetësimi i familjarëve është i madh me shpërthimin e Koronavirusit.