Futbollisti i ekipit të Kosovës Valdrin Mustafai ka konfirmuar se është infektuar me Koronavirus.
Nëpërmjet një interviste për “Klan Kosova” ai ka treguar se u testua të shtunën në mëngjes dhe rezultoi pozitiv.
Ai thotë se virusin e ka marrë në Hanover, teksa ka qenë në një ndeshje.
Tashmë ai është izoluar në shtëpinë e tij dhe do të qëndrojë për të paktën 14 ditë.
“Jam testuar të shtunën në mëngjes, ka ardhur mjeku dhe më ka testuar. Ka qenë një test i zakonshëm. Pastaj lajmin se jam i prekur me COVID-19, ma kanë kumtuar përmes telefonit kam pasur pak panik, babi ka qenë në punë – unë kam ndenjur në dhomë derisa e qetësova veten dhe pastaj ju tregova familjarëve. Besoj se virusin e kam marrë në Hanover duke lozur me futbollistë të tjerë. Ilaçet do të vijnë nesër – jam në kontakt me mjekë dhe ata nesër do t’i sjellin ilaçet. Ata më kanë kërkuar që të pushoj dhe ta qetësoj veten. Tash jam në karantinë për 14 ditë”.
