Dy deputetë dyshohet se i janë nënshtruar testit për Koronavirusin në Shqipëri.
“News 24” ka pyetur sot deputeten e Partisë Socialiste Klodiana Spahiu e cila është dhe mjeke dhe bashkëshorti i saj punon po mjek në Spitalin e Durrësit.
Ajo mohoi se është e prekur nga COVID-19 dhe pohoi nga ana tjetër se i është nënshtruar testit por ka rezultuar negative.
“Unë jam shumë mirë, ky lajm nuk është i vërtetë. Besoj se është sqaruar. Të garantoj që jam shumë mirë dhe nuk kam asnjë problem shëndetësor dhe lidhur me këtë COVID-19. Patjetër i jam nënshtruar testit dhe kam rezultuar negativ. Dhe bashkëshorti negativ”, deklaroi Spahiu.
Sa u përket dyshimeve të “News 24” për dy deputetët që i janë nënshtruar testit, Spahiu theksoi se nuk ka informacion, por edhe nëse kanë rezultuar pozitivë nuk është turp.
“Absolutisht nuk është turp. Kjo është situatë që mund të prekemi të gjithë. Ndaj është pandemi dhe duhet të mundohemi të respetojmë disa rregullat dhe t’i nënshtrohemi vetë izoloimit. Ky është moment kritik, ndaj duhet të përballemi sa më mirë. S’kam informacion për kolegë të prekur nga COVID. Nëse ka, i uroj shërim të shpejt. Uroj të kemi sa më pak të sëmurë që shkojnë drejt spitalit dhe sa më pak humbje njerëzore. I bëj thirrje shqiptarëve që të tregohen solidarë me njëri-tjetrin.”, tha Spahiu.
/BalkanWeb
