Gjatë natës thuajse në gjithë vendin ka pasur reshje të dendura shiu.
Situata ka qenë e vështirë dhe disa zona janë përmbytur. Më e rrezikuar ka qenë zona e Fushë-Krujës, përkatësisht fshatrat Murqinë, Mallkuç dhe Likmet, të cilët janë përmbytur pasi lumi Ishëm ka dalë nga shtrati.
Shkak për përmbytjet janë bërë edhe kanalet e kullimit, të cilët nuk janë pastruar prej kohësh.
Ndërsa në fshatin Murrash të Librazhdit ka pasur rrëshqitje të dheut dhe gurëve.
Për shkak të shiut të dendur gurët kanë mbërritur deri në rrugën nacionale.
Përsa i përket motit të ditës së sotme, temperaturat kanë pësuar një ulje të lehtë krahasuar me dy ditë më parë. Reshjet e shiut do të jenë më të pakëta dhe kryesisht do të ketë vranësira.
