Më 17 shkurt familja Hashmi denoncoi zhdukjen e vogëlushit 5-vjeçar në emisionin “Pa Gjurmë”.
Klodiani u shpall në kërkim prej asaj dite, por djali i vogël është gjendur i pajetë, i mbytur në një përrua pranë banesave sociale në Shkozë.
Identifikimin e tij e bëri për “Report tv” xhaxhai i Klodianit, i cili tha:
“Nuk është në kërkim asnjë tjetër fëmijë në lagje. Vëllai më tha që është Klodiani. Është një pellg me ujë, mund të ketë kaluar ndonjë gardh e të ketë rënë. Unë jam në Pogradec, tani po vij, por për Klodianin më thanë se është ai”.
5-vjeçari u la i vetëm për rreth 30 minuta duke luajtur me fëmijët e tjerë dhe pastaj u zhduk pa asnjë gjurmë. Klodiani nuk shkonte në shkollë dhe gëzonte shëndet të plotë.
Herën e fundit ai ishte parë në parkun e lodrave pranë banesës në Shkozë.
