Prokuroria e Përmetit ka kërkuar arrest me burg për të gjithë të arrestuarit burra në opeacionin “Mezhgorani” me përjashtim të dy grave të vetme të ndaluara.
Pritet të shihet nëse gjykata do të pranojë kërkesën e prokurorit dhe të vendosë arrest me burg për botuesin Henri Çilin dhe bashkëpunëtorët e tij.
Çili u arrestua nën dyshimet se ka ndërhyrë për të siguruar favore për dy vëllëzërit Arbjon dhe Alban Aliko, i pari i dënuar me burgim të përjetshëm dhe i dyti me 18 vite burg, me vendim të formës së prerë, për vrasjen e një efektivi të policisë në Lazarat, gjatë aksionit të vitit 2015 kundër kultivimit të marijuanës.
Me pranga në duar, Henri Çili u shfaq teksa zbriti nga furgoni i policisë për t’u futur në Gjykatën e Faktit të Përmetit.
/Shqiptarja
