Mbrëmjen e së enjtes është arrestuar për llogari të Gjykatës së Gjirokastrës, pronari i Universitetit Europian të Tiranës dhe botuesi, Henri Çili.
Lajmin e ka bërë të ditur “Dosja.al”, e cila tregon se bashkë me të janë arrestuar edhe drejtori juridik i UET-së, Ilir Korbi dhe 5 persona të tjerë.
Shkak për arrestimin e tyre është bërë fakti se ata kanë ndikuar tek gjyqtarët për të liruar nga burgu bandën e Lazaratit.
Burimet kanë treguar se Çili ka korruptuar një gjyqtar, emri i të cilit nuk është bërë ende i ditur.
Shtatë të arrestuarit akuzohen për korrupsion pasiv dhe aktiv në fushën e drejtësisë.
Gjithashtu, gjatë natës forca policie kanë rrethuar Universitetin Europian të Tiranës duke zhvilluar kontrolle.
