Alexandre de Basseville ka rrëfyer për marrëdhënien e tij me ish-partneren Egla Harxhi, me të cilën ka dhe një djalë!
Ata u bënë të famshëm për marrëdhënien treshe që patën bashkë me një vajzë të quajtur Alesia, të cilën e bënë publike.
Treshja thyen tabunë duke deklaruar se do të bëheshin një familje e madhe pas lindjes së djalit Luxifer, i cili me sa dukej do të kishte jo një, por dy nëna dhe një baba.
Por pak kohë pas lindjes, na ra në sy mungesa e fotove të Eglës me partneren e saj Alesian. Ato madje as nuk e ndiqnin njëra-tjetrën në rrjetet sociale. Në një intervistë të dhënë më pas, Egla deklaroi se marrëdhënia kishte marrë fund, por më pas mori fund edhe raporti i saj me Alexandre-n.
Ky i fundit ka thënë për “Panorama Plus” se sot nuk ka raport me nënën e djalit të tij, madje shton se ajo nuk e lë as ta takojë:
“Po, dua të theksoj se unë s’kam më punë me të dhe i kam ndërprerë marrëdhëniet pas shantazheve që ajo më bënte. Ajo ka rëmbyer djalin tonë dhe nuk më lë ta takoj. Dua të theksoj që ajo po përdor fëmijën tonë pa asnjë autorizim, për t’u bërë e famshme. Si njerëzit mund ta besojnë këtë familje, të cilët janë nën investigim për falsifikim dokumentesh në Bashkinë e Tiranës?”, shprehet Alexandre.
