Që prej tetorit të vitit të kaluar, këngëtari Alban Ramosaj po përflitet për një lidhje dashurie me modelen Kleoniki Delijorgji.
Ata e kanë bërë lëmsh rrjetin me postimet e tyre, dedikimet e shumta për njëri-tjetrin dhe së fundmi edhe fotot pikante së bashku.
Vetëm pak më parë, dyshja publikoi në rrjete sociale disa poza ku shfaqeshin në momente intime në shtrat, ndërsa fotot na bënë të mendojmë edhe njëherë se ata po shijojnë një romancë së bashku.
Për më tepër, Albani dhe Niki paralajmëruan ndjekësit për një surprizë, e cila me siguri do të jetë një projekt muzikor.
Duket se ata do të bashkëpunojnë për një këngë, e cila do të publikohet pikërisht më datën 14 shkurt, ditën e Shën Valentinit.
Projekti i tyre do të titullohet “Unity”, ndërsa vëmendjen edhe njëherë na e mori komenti i Nikit në fotot e Albanit, ku i shkruan “Dashuria ime“.
Ndërkohë, ne po presim për të tjera detaje nga projekti i tyre, të cilin e ndajnë vetëm disa ditë nga publikimi.
