Surpriza e mbrëmjes së tretë të festivalit të mirënjohur italian “Sanremo”, ishin dy moderatoret Alketa Vejsiu dhe Georgina Rodriguez.
Themi “surprizë”, pasi mediat italiane kishin në fokus vazhdimisht dy bukuroshet, dhe sigurisht nuk lanë t’ju shpëtojë asgjë që kishte të bënte me to!
Por le të ndalemi pak te moderatorja jonë, Alketa Vejsiu, ose më mirë të themi “uragani” i mbrëmjes së tretë të “Sanremo”-s, që spikati me shkathtësinë e saj dhe elokuencën e gjuhës italiane, të cilën e fliste tepër rrjedhshëm!
“Alketa ka qenë një eksploziv. Showgirl-i e lindur në Tiranë tregoi një zotërim të shkëlqyeshëm të gjuhës italiane, duke marrë nën kontroll transmetimin dhe duke vjedhur show-n nga prezantuesi Amadeus. Ajo foli për ëndrrat e saj të bëra realitet, por mbase duke e mbajtur pak më shumë kohën e vënë në dispozicion”, shkruan media italiane ” ilmessaggero.it”.
Kjo u vu re në momentin që Alketa doli nga skena me Amadeus, dhe nga mikrofoni i hapur u dëgjua një audio e dikujt që fliste me dyshen e prezantuesve: “4 minuta? Po kishim rënë dakord”!
Në mediat sociale, u përpoq të zgjidhej misteri i 4 minutave, duke thënë se Alketa foli më gjatë seç ishte parashikuar, duke marrë pak nga koha televizive.
Parliamo Di violenza. Sulle. Donne ma pure sta povera #AlketaVejsiu che si é attenuta a consumare 4 minuti in tempo utile senza farsi sopraffare ma Soprafacendo…. #festivalsanremo2020
— Benderball (@BenderBoll) February 6, 2020
Alketa Vejsiu u kthye më pas sërish në transmetim, këtë herë jashtë skenës së “Sanremo”-s, ku bëri një prezantim aq të shpejtë saqë Amadeus mbeti pa fjalë.
Më pas moderatorja shqiptare u kthye në skenë sërish dhe bëri komentin epik: “Kam pirë një çaj kamomili, kështu që flas më ngadalë …”.
Ndërkohë, “Corriere.it” e cilësoi si një “Mitraloz” Alketën që “futi në krizë Amadeus”:
“Fustani i gjatë, biseda e papërmbajtshme, Alketa Vejsiu, prezantuese e mirënjohur shqiptare, e bën debutimin e saj në Ariston me një himn “për gratë që fituan këtë festival. Si qytetare e botës, ju them faleminderit nga Italia që është një shembull i integrimit, mikpritjes, humanizmit ”. Amadeus vë në dukje të folurën e saj:”Flisni italisht hë! E mahnitshme!”
Që Alketa flet shpejt, nuk është një konkluzion aspak i ri për ne shqiptarët që jemi mësuar me shkathtësinë e saj në skenë, por me sa shohim kjo nuk duket të jetë ndonjë problem për italianët, të cilët njihen si një popull që flasin shpejt.
Interpretimi i Alketës u vlerësua dhe i meritoi të gjitha komentet pozitive si: “energjike”, “vullkanike”, “uragan” etj”.
Pati dhe komente të tipit, “Edicionin e radhës lërjani Alketës ta prezantojë kështu që në orën 23:30, gjithçka ka përfunduar”, apo “Alketa në 4 orë të bën 3 mbrëmje festivali” si dhe “Ta marrim për vitin tjetër”.
Nën boom-in e informacioneve dhe lajmeve për Alketën, pati edhe media italiane që u ngatërruan teksa prezantonin Alketën për publikun, me fotot e Eni Koçit apo Tuna Sejdiut.
Komentet ishin pozitive për moderatoren shqiptare, që u cilësua padyshim si një ndër femrat më të shkathëta që kanë ndarë skenën deri më tani krah Amadeus, në këto 3 net festivali.
