Kim Kardashian njihet si një ndër influencers më të mëdha sa i përket stilit dhe modës.
Dhe ja së fundi, ajo ka vendosur të rikthejë një prej modeleve më të vjetra të flokëve të viteve ’90.
Me siguri e mbani mend kur kishit një opsion tjetër përveç flokëve të drejta dhe atyre kaçurrela, një opsion të tretë!
E kemi fjalën për modelin Crimp, që sot realizohet lehtësisht me mashën zigzag dhe na jep një volum të madh të flokëve tona, që aq shumë ia kemi nevojën.
Ndonjëherë ajo që bënim në fëmijëri ishte të lidhnim flokët gërshet dhe t’i lëshonim ato në mëngjes për të pasur të tilla valëzime uniform.
39-vjeçarja u shfaq me modelin e ri të flokëve në Londër, pasi shijoi një darkë me bashkëshortin e saj Kanye West.
Look-u i saj është tërësisht një frymëzim nga vitet ’90, po të keni parasysh edhe makijazhin, tonin e rëndë te sytë (smokey eyes), të cilin ajo e risolli si trend pas nxjerrjes në treg të paletave të saj të reja.
Ai që binte në sy ishte fustani i tejdukshëm i punuar që tregonte linjat e Kim, me pjesën e golfit, por dhe dekoltenë e zbuluar.
Teksa po shijonte udhëtimin e saj në Mbretërinë e Bashkuar Kim gjithashtu publikoi në Instagram disa dhurata që kishte marrë nga stilistja e njohur Victoria Beckham.
