Ai quhet Shkëlzen por u bë i njohur me emrin e artit Khuba në “Këngën Magjike”, ku edhe fitoi çmimin “New Artist”.
Kënga e cila u pëlqye nga të gjithë, ishte dedikim për ish-të dashurën, vajza shqiptare me të cilën i dha fund lidhjes gjatë muajit shkurt të vitit që lamë pas.
Khuba foli për ndarjen sot në “Ftesë në 5” me Bieta Sulon, ku tregoi se gjithçka mori fund pasi kishin festuar Shën Valentinin, madje kishin bërë dhe dhuratat përkatëse.
Si për ironi të fatit, ish-e dashura i kishte dhuruar një parfum, që sipas disa zërave, konsiderohet dhuratë që sjell ndarje.
Në fakt, Khuba as që ishte në dijeni të gjithë kësaj, por la të kuptohej se ndarja erdhi natyralisht pasi lidhja nuk po funksiononte.
Khuba përveç këndimit ka pasion pianon dhe kitarën dhe hapat e parë drejt këndimit i ka hedhur në Gjermani.
/TCH
