Në muajin maj të vitit që lamë pas, aktorja e njohur shqiptare, Almeda Abazi, u bë nënë për herë të parë.
Ajo dhe aktori turk, Tolgahan Sayisman, u bënë prindër të një vogëlushi të cilin e quajtën Efehan.
Pas lindjes së tij, Almeda iu përkushtua tërësisht të voglit, duke hequr dorë nga të gjitha projektet e saj.
Madje, gjatë një interviste së fundmi për mediat turke, Almeda tregon se ka vendosur të bëjë një sakrificë për familjen, duke hequr njëherë e mirë dorë nga aktrimi.
Kjo për të qëndruar më shumë me partnerin dhe djalin e saj.
Aktorja shprehet se mezi arrin ta shohë bashkëshortin për shkak të orareve të tij të zgjatura në punë, ndaj nëse edhe Almedës do t’i duhej të vazhdonte aktrimin, do të ishte e pamundur të bashkoheshin si familje.
“Pas lindjes së djalit jam në një botë tjetër. Dua të vazhdoj televizionin por aktrimin nuk mund ta bëj. Mezi shoh Tolgën prej orëve të gjata në punë. Nëse i futem dhe unë kësaj pune, nuk do arrijmë dot ta shohim njëri-tjetrin”, është shprehur ajo sipas “revistawho.com”.
