Nuk e dimë nëse ju kujtohet, por Fjodora Fjora dhe Joni Peçi kanë pasur një debat të ashpër në emisionin “Opinion” disa vite më parë.
Biseda mbi modën në emision, bëri që Joni Peçi t’i drejtohet Fjodorës me disa fjalë të cilat nuk e kanë bërë të ndihet mirë moderatoren:
“Po ec o Fjodora na flet ti për fashion, se kur ke ardhur ti në “Klan” e kemi parë shumë mirë që nuk ke qenë gjë”, ishin këto fjalët e Joni Peçit.
E ftuar në emisionin “Ditë e Re” në RTV Ora, Fjodora ka shpjeguar zënkën mes tyre dhe ka treguar se tani janë shokë dhe dikur në atë intervistë kanë gabuar të dy.
Ajo u shpreh se ai u nxitua të thoshte një gjë për të cilën sigurisht që do të jetë penduar më vonë.
“Kemi qenë shumë të rinj edhe pak me gjaknxehtë se tani sepse kuptohet po të bënim ndonjë sfidë të madhe televizive do merrnin ndonjë audiencë të madhe. Nejse audiencën e fituam të dy. Të dy bëmë gabimet tona në atë intervistë. Ai u nxitua të thoshte një gjë e cila sigurisht mori një përgjigje me qetësi nga ana ime por në fakt që nuk duhet të jepej dhe mendoj që të dy në mënyrë shumë fine e kemi tejkaluar këtë momentin këtu, duke u prezantuar me njëri-tjetrin si dy të rritur të cilët nuk kanë asnjë sfidë me veten as me ekranin dhe asnjë nevojë për t’u konfirmuar. Ne tani jemi miq dhe shumë të dashur me njëri-tjetrin”, shprehet Fjodora.
Sot Fjodora dhe Joni Peçi janë miq, madje moderatorja ishte e ftuar në promovimin e parfumit të stilistit të mirënjohur, që u mbajt në tetor.
