“Ka tri gjëra kryesore unike në trupin tonë – shenjat e gishtërinjve, retina, truri. Ka një probabilitet të lartë që këta të tre janë të lidhur me njëri-tjetrin”. Kështu është vënë re nga një studiues shkencor i shenjave të gishtërinjve.
Shenjat e gishtave janë unike për çdo qenie njerëzore. Studimet e fundit kanë bërë një lidhje mes tre forma shenjash me personalitetet dhe karakteret e njerëzve. Bazuar në tre modelet e gjurmëve të gishtave që kanë identifikuar FBI, zbuloni se çfarë thuhet për ju.
Sythi
Forma e tillë e shenjave të gishtit është më e zakonshme për evropianët. I përgjigjet një personaliteti të qetë dhe të balancuar. Njerëzit me shenja të tilla gishtërinjsh janë njerëz shoqërorë dhe përpiqen të ndihmojnë të tjerët. Janë shumë të përgjegjshëm dhe rrallë herë marrin iniciativa. Ndjenjat e këtyre njerëzve janë lehtësisht të parashikueshme. Përgjithësisht gëzojnë shëndet të mirë dhe pse mund të sëmuren shpesh si fëmijë. Personat me shenja gishtat formë sythi janë optimistë. Kanë imagjinatë dhe janë ëndërrimtarë të mëdhenj.
Vija të lakuara
Njerëzit me këto shenja janë energjikë dhe kanë vetëbesim. Këtyre njerëzve mund t’ua dalloni vetëbesimin në çdo gjë. Ata vështirë se mund ta ndryshojnë mendjen për ndonjë gjë dhe fjala e thënë nga ata mund të jetë me shumë mundësi fjala e fundit. Këta njerëz janë nevrikë, por dinë të vlerësojnë artin dhe muzikën. Mos prisni butësi nga këta njerëz. Ata janë shumë besnikë dhe nuk heqin dorë lehtë.
Vorbull
Njerëzit me shenja të tillë gishtat janë të talentuar dhe janë gjithmonë gati për të analizuar çdo gjë. Ata mund të fillojnë njëkohësisht disa punë, por rrallë herë i mbarojnë. Kanë një personalitet të lëkundur dhe priren të fshehin ndjenjat e tyre. Ata shpesh herë janë të pakënaqur me veten dhe dyshojnë për çdo gjë. Janë të plogësht dhe gjakftohtë.
Burimi: Distractify
