Një zjarrfikës që ka qenë në krye të detyrës në operacionet e shpëtimit të njerëzve nga rrënojat e tërmetit në Durrës dhe Thumanë, ka treguar përjetimet kur mësoi se në ato rrënoja ishin familjarët e tij.
Arben Cara rrëfen për “ABC Neës” se ishte e vështirë dhimbja për 7 familjarët e tij që gjeti të vdekur nën rrënoja dhe se dhimbja që ndjen nuk ka kufi.
Dora e ftohtë akull si e një nënë, e hedhur mbi trupin e pajetë të vajzës 7-vjeçare, është skena që kurrë nuk do t’i hiqet nga mëndja Arben Carës.
“Kemi përjetuar një shok të rëndë, pasi fëmija 7 vjec u gjend në krahët enjeriut të vet, dukej sikur e mbronte. Në ato momente kishim një përjetim të thellë”, thotë ai.
Mëngjesin e 26 nëntorit, pas goditjes së parë të termetit, Arbeni ishte duke drejtuar operacionin e shpëtimit te Vila Palma, atje ku u shpëtua Klajdi 25 vjeçar por u nxor nga rrënojat i vdekur, gjyshi i tij.
Më pas kolegët e tij e lajmëruan dhe drejtuesit e urdhëruan që të niset drejt Thumanës, sepse atje ishin nën rrënoja familjarët e tij.
“Fillimisht jam nisur për në Durrës, pasi morëm kontakt me Drejtorin e Zjarrëfikëseve në Durrës ku na ka nisur urgjent te hotel palma. Kemi operuar fillimisht te hotel palma duke nxjerrë trupat e një familjejë dhe më pas jam informuar që në Thumanë kishte ndodhur tjetër tragjedi si pasojë e tërmetit. Më kanë dhënë leje dhe urdhëruar të nisem drejt Thumanës për të shkuar në një ekip shpëtimi për të ndihmuar në Thumanë”.
Kur arriti, nën ato rrënoja të pallatit të shembur në Thumanë, Arben Cara gjeti të pajetë shtatë familjarë të tij.
“Për mua është një humbje shumë e madhe dhe dhimbja është e pakufishme por nuk ka qenë qëllim për të nxjerrë trupat e familjes Cara. Kryesorja ishte të nxirrnim perdsonat gjallë që ne komunikonim”.
Lindita ishte një prej familjarëve të tij, që u shpëtua nga rrënojat.
/abcnews.al
