Tërmeti 6.3 ballë i mëngjesit të së martës shkatërroi Shqipërinë, duke sjellë viktima, të lënduar dhe dëme të pafundme materiale.
Ndërtesat e Thumanës janë shembur dhe banorët po qëndrojnë nëpër çadra, duke kërkuar ndihmë nga çdokush që mund t’i ofrojë ushqim e veshmbathje.
Mirëpo, sikur të mos mjaftonte tërmeti, shiu i ditës së sotme ka përmbytur disa nga çadrat e banorëve.
“Dosja.al” ka treguar pamje nga kampet e ngritura në Thumanë, ku janë lagur ushqimet, dyshekët, batanijet dhe rrobat e banorëve.
Megjithëse ka nisur nxjerrja e materialeve nga kampi, një pjesë e tyre s’ka arritur të shpëtojë pa u lagur dhe një pjesë e çadrave janë mbushur me ujë.
