Lëkundja e radhës e tërmetit që shkoi deri në 5.1 ballë ka dhënë pasojat e para në godinën e spitalit të Durrësit.
Godina thuhet se ka pësuar dëmtime nga tërmeti por ministrja Manastirliu u shpreh në një komunikim me mediat se, po kryhen vlerësimet e nevojshme për të parë dëmet.
Ajo theksoi se për momentin nuk janë duke u zhvendosur pacientët, por edhe nëse kjo do të ndodhë, ka disa dhoma gatishmërie në godinën tjetër te Materniteti, ku mund të dërgohen të plagosurit nga tërmeti që po kurohen.
Shërbimi në kohë është preokupimi më madhor për momentin tha ministrja Manastirliu, e cila u mundua të qetësojë situatën e krijuar pas tërmetit të fundit 5.1 ballë.
