Charles III ka treguar edhe një herë lidhjen e tij të veçantë me familjen mbretërore, duke zgjedhur një dhuratë për mbesën e tij, Charlotte of Wales, gjatë një vizite zyrtare në Irlandën e Veriut.
Monarku 77-vjeçar, i shoqëruar nga Mbretëresha Camilla, nisi një vizitë tre-ditore në Belfast më 19 maj. Gjatë ndalesës në qendrën inovative W5 LIFE, ai u takua me sipërmarrës të rinj të mbështetur nga King’s Trust dhe vizitoi biznese lokale.
Aty, Mbreti u ndal te një biznes artizanal i quajtur Empower Flower, ku zgjodhi një aksesor të vogël, një varëse me rruaza për Charlotte, 11 vjeçe. Sipas pronarit të biznesit, Rachel Rose, ai u shpreh se ishte i sigurt që mbesa e tij “do ta pëlqente shumë” dhuratën.
“Faleminderit, ajo do ta dojë këtë,” mësohet të ketë thënë Mbreti gjatë bisedës me artizanen.
Biznesi në fjalë u prezantua si pjesë e një programi mbështetës për të rinjtë sipërmarrës, ndërsa vetë pronarja e përshkroi takimin si një moment të paharrueshëm dhe emocional.
Lidhja mes Mbretit Charles dhe Princeshës Charlotte është përshkruar shpesh si e afërt, ndërsa Charlotte njihet gjithashtu për dashurinë e saj ndaj aksesorëve dhe dhuratave të punuara me dorë, të cilat shpesh i krijon edhe vetë për familjarët e saj.
Ky gjest i thjeshtë gjatë vizitës zyrtare u pa si një tjetër dëshmi e anës familjare të monarkut, përtej angazhimeve të tij mbretërore.
