Dy ditë pas sherrit të dhunshëm që ndodhi me studentët e Ekonomikut, Fakulteti i Ekonomisë ka marrë masa.
Në auditorin e ish-mensës të Qytetit Studenti, në sallat e seminareve dhe auditoret e godinës “Iliria” janë vendosur roje.
Studenti do të lejohet të hyjë në këto ambjente vetëm kur paraqet Kartën e Studentit të Fakultetit të Ekonomisë të Universitetit të Tiranës.
“Top Channel” raporton se është shtuar edhe një punonjës i Administratës së Fakultetit, i cili do të jetë prezent në këto godina prej orës 8 të mëngjesit deri në 8 të mbrëmjes, që studentët të adresojnë problemet.
Pasditen e së hënës dy persona të panjohur u futën në leksion me studentet e Ekonomikut dhe filluat të ngacmonin vajzat.
Djemtë e klasës kanë reaguar duke i përzënë jashtë, ndërsa pedagogia ka ndërprerë leksionin.
Por jashtë klasës, grupi i të rinjve kishte thirrur shokët, të cilët më pas dhunuan fizikisht djemtë, duke u shkaktuar disa fraktura.
