Reshjet e shiut kanë nisur dhe bashkë me to edhe përmbytjet e zakonshme në qytetin e Durrësit.
Disa zona të qytetit bregdetar janë përmbytur dhe si pasojë e nivelit të lartë të ujit, disa rrugë janë të pakalueshme.
Raportohet se është bllokuar kryqëzimi te stadiumi, rrethrrotullimi tek “Stacioni i trenit” dhe rruga “Taulantia”.
Situatë problematike paraqitet edhe në zonën e Shkozetit dhe atë të Spitallës. Përmbytjet në Durrës kanë sjellë vështirësi në lëvizjen e automjeteve dhe këmbësorëve.
Për shkak të motit të keq, mësohet se është pezulluar lundrimi për peshkarexhat.
