Koncerti madhështor në sheshin “Nënë Tereza” në Tiranë, konfirmoi edhe njëherë talentin e padiskutueshëm dhe punën e palodhur të reperit Capital T.
“Time Capsule” ishte koncerti i jetës së tij, i cili e ktheu Kapon në personazhin më të komentuar të mediave këto muaj.
View this post on Instagram
Udhëtimi i parë në kohë i realizuar në Tiranë nga sheshi nënë Tereza ? më shumë udhëtime së shpejti…
Mirëpo, duket se “Time Capsule” ishte vetëm fillimi, pasi Capital T ka ndërmend të na surprizojë me të tjera projekte po kaq gjigante.
Në një intervistë për “Prive”, reperi ka zbuluar se po sjell një album të ri, për të cilin beson se do të jetë më i miri i karrierës së tij deri tani.
“Si lajm ekskluziv për ju është albumi. Jam duke e realizuar një album që shpresoj që në 6 mujorin e parë të 2020-ës ka me u lançu. Në atë album ka shumë produkte të reja, shumë këngë që më sjellin ndryshe për publikun, shfaqin anë të ndryshme të miat që më herët s’i kam pru në muzikë. Ka producenta të shumtë që janë duke punu në këtë projekt. Ka me pas bashkëpunime që njerëzit nuk kanë me i prit. Çfarë është më interesantja, është që standarti ka me qenë i njëjtë si koncertet që i kemi realizu dhe ka me qene më i lartë se produktet e tjera që i kam pru deri tash. Po punojmë fuqishëm me krejt ekipën, për me pru ndoshta albumin tem ma t’mirë që e kam realizu deri më sot.”- është shprehur reperi.
Gjithashtu, Capital T ka treguar se synimi i tij është që pas Tiranës, këtë herë “Time Capsule” të realizohet në Londër.
Sipas Kapos, kjo është një punë e vështirë për të cilën po punon fort për ta kthyer realitet.
“Jemi t’u tentu me bo të dytin në Londër. Jemi t’u punu me krejt ekipën pa ndal, me pjesën e band-it dhe pjesën e baletit. Është një punë jashtëzakonisht e madhe. Arsyeja fillestare është se jemi në një shtet tjetër ku kostot për gjithçka janë shumë më të mëdhaja. Po ashtu janë edhe pengesat me viza.
Mirëpo jemi duke u pëpjekur, duke bërë maksimumin dhe njerëzit kanë me u njoftu kur ajo të jetë zyrtare. Për momentin ajo është në proces të punës, jemi t’u kalkulu a munet me u realizu.”- ka rrëfyer Kapo, ndërsa ne mezi po presim të reja nga reperi.
