Ish-Kryeministri Sali Berisha ishte mbrëmë i ftuar në emisionin “Zonë e Lirë”.
Rreth 10 ditë më parë, ai ka festuar ditëlindjen, ka mbushur 75-vjeç dhe ende vazhdon të jetë aktiv në jetën politike.
Berisha vendosi të tregojë sekretin e fizikut të tij dhe sesi ka mundësi që është ende në formë:
Sali Berisha: Unë mund të ndihem në këtë përvjetor të paktën në të njëjtën parametra fizikë dhe psikologjikë të 20 viteve më parë. Unë kam një sekret dhe do ia them gjithë botës. Sekreti im është kalitja. Unë gjithë jetës i kam besuar kalitjes.
Arian Çani: Kalitja domethënë.. stërvitjes?
Sali Berisha: Domethënë… Po, stërvitja.
Arian Çani: A dakord. Jetës së shëndoshë, domethënë ecjes, jetës pa vese.
Sali Berisha: Në tërësi, sigurisht unë nuk jam njeriu abuziv në gjëra, por kalitja është sekreti. Unë sot të garantoj ngjit katin e katërt, jo me më shumë lodhje seç ngjisja katin e dytë në kryeministri. Kështu unë kam shumë arsye të falenderoj zotin në këtë 75-vjetor.
/Klan
