Kristian Prenga, kampioni shqiptar i boksit po kalon disa ditë vërtet të bukura pas kthimit në Shqipëri për pushime.
Themi të bukura në plot kuptimin e fjalës pasi dje ai është fotografuar në një nga lokalet e kryeqytetit në praninë e një bukurosheje.
Boksieri ka qëndruar larg mediave rozë, por kjo foto nuk i ka shpëtuar dot!
Vajza në fjalë është Klaudia Kalia, ish-Miss Shqipëria dhe bukuroshja e parë Shqiptare që fitoi një kurorë nga Fashion Tv!
Në tryezë me ta shihet edhe një tjetër vajzë bukuroshe, ndaj është e kotë të flasim me siguri për marrëdhënien e tyre.
Ka qenë portali “Lexo.al” që ka siguruar fotot nga një prej lokaleve të kryeqytetit ku ndodheshin boksieri Prenga dhe ish-missi.
Kristiani vazhdon karrierën e tij si boksier në Kanada, por siç ka njoftuar ka pasur një ndërprerje për shkak të një dëmtimi në dorën e majtë.
Ai ka ardhur në Shqipëri për të kaluar kohë me familjen e miqtë dhe për t’u rikuperuar sigurisht! Me sa shohim paska gjetur ilaçin më të mirë!
https://www.instagram.com/p/B1wY1TrlEvd/
