Taylor Swift dhe i dashuri i saj, Joe Alwyn prej gati tre vitesh janë bashkë dhe më të dashuruar se kurrë.
Në fillimet e marrëdhënies së tyre ata preferuan të qëndronin sa më larg mediave dhe mesa duket kjo gjë i ndihmoi që të çonin para lidhjen e tyre.
Së fundmi fansat kanë treguar me bindje të plotë se këngëtarja dhe aktori kanë bërë një hap të rëndësishëm në marrëdhënien e tyre duke u fejuar.
Shkak për këto aludime u bë kopertina e Taylor për “Vogue”. Këngëtarja pozonte mjaft tërheqëse por një detaj tërhoqi më shumë vëmendjen.
Në dorën e saj të majtë ajo mban një unazë, e cila thuhet se mund të jetë e fejesës. Nëse e zmadhon fotot shihet qartë se në dorë ajo mban një unazë, megjithatë nuk dallohet se tek cili gisht është i vendosur.
Megjithatë burime për mediat e huaja tregojnë se nuk është aspak habi që dyshja të jetë fejuar, pasi marrëdhënia e tyre ka kapur kulmin dhe të dy janë më të dashuruar se kurrë.
