Të quash “kaotik” tregun e punës në Shqipëri në fakt është të thuash pak! Çdo vit, me mijëra studentë lënë bankat e shkollave me një diplomë në dorë që në pjesën më të madhe të rasteve, përfundon në një sirtar të shtëpisë për të mos dalë më kurrë që aty, duke rezultuar në vite të tëra studimesh e parash të shpenzuara të çuara dëm.
Ky është veçanërisht rasti i studentëve të degëve të arsimit me natyrë të përgjithshme, që me të mbaruar universitetin, përballen jo vetëm me një treg të tejmbushur, por edhe me burokraci nga më të ndryshmet që sa vijnë e gjenerojnë më shumë të papunë.
Mirëpo në këtë kaos, një profesion specifik duket se po lulëzon me shpejtësi, ashtu si dëshira e shqiptarëve për të bukurën. Bëhet fjalë për estetikën e avancuar, që më mirë se kudo tjetër studiohet e praktikohet në “Dermolife Academy”.
Duke parë pikërisht këtë situatë të tregut të punës në Shqipëri, dr. Lida Hoxha, thelemuesja e “Dermolife Medical Center”, një ndër klinikat më prestigjioze në vendin tonë, pati vizionin e krijimit të një shkolle të estetikës së avancuar, për këdo që dëshiron një profesion që anon kah së bukurës dhe me një të ardhme mëse të sigurtë.
Kjo pasi jo vetëm në vendin tonë por në mbarë botën, estetika e avancuar është shndërruar në një prej profesioneve më të kërkuara falë boom-it që kjo industri po përjeton.
“Synimi kryesor i kësaj shkolle 2-vjeçare është t’u hapë sa më shumë dyer studentëve, nxënësve, por edhe të gjithë atyre që ende nuk kanë marrë një arsimim apo profesion i cili i shërben tregut aktual të punës. Kjo shkollë lindi kryesisht nga nevoja për profesionistë në fushën e estetikës, e cila është ndër fushat më të lëvruara në ditët tona.”-shprehet dr. Lida Hoxha e cila prej 4 vitesh, falë përkushtimit të jashtëzakonshëm e ka shndërruar “Dermolife Academy” në një nga shkollat më të kërkuara.
Fundja, të pakta janë profesionet që të ofrojnë më shumë kënaqësi sesa ato që të mundësojnë të bësh njerëzit të ndihen më mirë për pamjen e tyre.
Brenda Dermolife Academy
Çdo studenti të “Dermolife Academy”, jo vetëm që i jepet mundësia të njihet e të punojë me aparaturat e fjalës së fundit të teknologjisë mjekësore, por gjithashtu ka shansin të mësojë nga një staf profesionistësh dhe ndër emrat më të shquar të mjekësisë estetike në Shqipëri e Itali, të përzgjedhur me kujdesin maksimal nga CEO e akademisë, dr. Lida Hoxha.
Programet mësimore janë hartuar në përputhje me programet e Universitetit “La Sapienza” në Romë, ndërkohë që praktikat kryhen në ambientet e “Dermolife Medical Center”, nën mbikqyrjen e pedagogëve të kualifikuar. Shkolla që zhvillohet në programe studimi 3, 6, 12 dhe 24-mujore, ka një ndarje optimale me 40% teori dhe 60% praktikë, çka nënkupton se me të marrë diplomën, çdo student është gati për punësim, gjë që është edhe më e realizueshme falë lidhjeve të shumta që “Dermolife Academy” ka me klinikat e qendra të shumta estetike në vendin tonë.
“Sigurisht që duke pasur parasysh nivelin e mësimdhënies, praktikave të ndjekura dhe trajnimeve me pedagogët italianë, studentët ekselentë kanë prioritet për t’u punësuar menjëherë në ‘Dermolife Medical Center’ ose edhe jashtë vendit, duke qenë se diplomat tona njihen dhe në Shqipëri dhe jashtë saj.”-shprehet dr. Lida Hoxha. Gjithashtu falë fleksibilitetit përsa i përket orareve apo edhe nisjes së kurseve, “Dermolife Academy” është një zgjedhje ideale për këdo që ndoshta stepet nga ideja se nisja e një shkolle do ta pengonte të vijonte impenjime të tjera në jetë.
Ndaj nëse ende keni dyshime për formimin tuaj profesional, gjithçka që duhet të bëni është një vizitë në “Dermolife Academy” dhe do t’i jeni përjetë mirënjohës vetes suaj për këtë zgjedhje.
Të interesuarit të kontaktojnë në:
Official Website: www.dermolife-academy.al
Email: info@dermolife-academy.al
Tel: 0692099780
Instagram: dermolife_academy
Facebook: Dermolife Academy
