Prej kohësh, modelja e njohur Emina Çunmulaj jeton në Amerikë me bashkëshortin dhe dy vajzat e saj. Megjithëse larg vendit, ajo qëndron gjithmonë në kontakt me fansat e shumtë në Instagram, me të cilët ndan momente të ndryshme nga jeta e saj e përditshme.
Pak më parë, Emina ka njoftuar për të gjithë se bashkëshorti, Sam Nazarian feston ditëlindjen. Nëpërmjet një fotoje te publikuar në profilin e saj, modelja ka treguar se s’mund të ishte më e bekuar se kaq me mashkullin që ka në jetën e saj dhe i ka shprehur publikisht dashurinë e madhe që ndjen për të.
“Dashuria ime, gëzuar ditëlindjen!
44-a duket shkëlqyeshëm tek ti!
Sa me fat jam që të kam për të qeshur pothuajse çdo ditë, gjithmonë të ndihem rehat për të qarë në shpatullën tende dhe e bekuar të kem dashurinë tënde. Dua ta jetoj përgjithmonë jetën kështu.”- shkruan Emina krahas fotos ku shfaqet duke përqafuar bashkëshortin teksa qeshin me të madhe.
Vazhdimisht në postimet e saj në Instagram modelja shpreh vlerësimin e madh për bashkëshortin dhe ndan e lumtur me fansat arritjet e tij në botën e biznesit.
