Një ngjarje tronditëse ka ndodhur dy ditë më parë në Gjermani dhe protagonist është një djalë shqiptar dhe partnerja e tij.
Mediat shkruajnë se një djalë me origjinë nga Kosova ka vrarë bashkëshorten e tij duke e shtyrë para trenit.
Nëpërmjet një postimi në rrjetet sociale ai ka shkruar se bashkoshortja e tij ka ndërruar jetë pasi dikush e ka shtyrë para shinave të trenit pa asnjë arsye.
“Sot është vrarë gruaja ime. Ajo është shtyrë para një treni, nga një i panjohur, pa asnjë shkas”, shkruante bashkëshorti i Anja N., që tashmë ka humbur jetën.
Pavarësisht se 28-vjeçari nuk fajëson veten për këtë akt të rëndë, policia dyshon se ai është vrasësi.
Bashkëshorti njihej në fshatin ku jetonin si njeri agresiv dhe shpesh herë komshinjtë ishin ankuar për të.
Ata i janë drejtuar edhe policisë, pasi ai ka shkaktuar disa herë konflikte.
Mësohet se i riu jetonte në një fshat në Gjermani së bashku me vajzën 13-vjeçare të bashkëshortes së tij.
Çifti ishte martuar në vitin 2018 dhe ende nuk dihet arsyeja e këtij krimi.
