Ata janë kohë që janë bashkë e megjithatë sot për sot mbeten një prej çifteve më të komentuara në media.
Nora Istrefi dhe Robert Berisha janë përfolur edhe për ndarje, por gjithçka mbetet në kuadër të thashethemeve.
Por edhe pse bashkë për një kohë të gjatë si burrë e grua, i ftuar në “E Diell”, Roberti tregoi disa “ankesa” për Norën. Ai pohoi se mbante mend shumë momente të bukura si në fejesë ashtu dhe në martesë, por ajo që nuk i ka pëlqyer prej Norës është vonesa e saj.
“3 orë është vonuar Nora në ditën tonë të dasmës dhe ka zgjatur dasma deri në orën 5 të mëngjesit vetëm prej saj”, tha me humor ai.
Roberti kujtoi gjithashtu fillimet e njohjes me Norën që zgjatën pak a shumë 6 muaj pasi Nora duke qenë tip i qetë nuk i jepte shumë siguri Robertit.
Sa për trupin më të bukur meqë të dy merren me palestër, Berisha tha se padiskutim Nora mban vendin e parë.
/Top Channel
