Ashtu si mami Rezarta, edhe Hera është bërë shumë e njohur në rrjetin social Instagram. Herë pas here, këngëtarja publikon foto apo video të ndryshme me të bijën, e cila me siguri në postimin e fundit do t’ju lërë pa fjalë me inteligjencën e saj.
Është vetëm 7-vjeç, por ajo ka mësuar shumë mirë emrat e të gjithë planetëve në anglisht, madje di shumë mirë edhe pozicionin e tyre në univers.
“Loja jonë e preferuar është të mësojmë për planetet dhe universin.”- shkruan Rezarta krahas videove të Herës, e cila e pyet të ëmën se çfarë emrash kanë planetet që i tregon.
Këto muaj, Rezarta po shijon bashkimin me bashkëshortin pas lirimit të tij dhe më herët është shprehur se po kalon ditët më të lumtura të jetës së saj.
