Megjithëse prej vitesh jeton në Shtetet e Bashkuara të Amerikës me bashkëshortin dhe dy vajzat e saj, modelja e njohur Emina Çunmulaj asnjëherë nuk e ka harruar origjinën e saj dhe është munduar gjithmonë të promovojë në botë vlerat e Shqipërisë.
Këto ditë, Emina ndodhet në Greqi dhe sonte ka festuar në një restorant ku të pranishmit ndiqnin traditën greke duke thyer pjata në tokë. Modelja nuk ka harruar t’i tregojë të pranishmëve edhe traditën shqiptare dhe ka nisur të kërcejë një këngë shqip.
Më pas, asaj i është bashkuar edhe stafi i restorantit grek dhe kanë nisur të kërcejnë së bashku këngë shqiptare në mes të Greqisë.
