Këngëtarët e njohur të showbiz-it, Shawn Mendes dhe Camilla Cabello prej disa kohësh janë vënë në shënjestër të mediave.
Ata po përfliten për një histori të mundshme dashurie, e cila thuhet se ka nisur që pas bashkëpunimit të tyre në këngën “Senorita”.
Në klipin e këngës ata kanë shkëmbyer skena intime dhe menjëherë pas publikimit të saj, Camila u nda nga i dashuri i saj.
Pas kësaj, ata janë fotografuar disa herë së bashku dhe konfirmimin për një lidhje e dhanë më 4 korrik. Në ditën e Pavarësisë së SHBA, ata janë parë të kapur përdore teksa shijonin spektaklin. (lexo ketu)
Pas këtyre fotove, fakte të reja po dalin në dritë dhe së fundmi ata janë fotografuar sërish bashkë.
Shawn dhe Camila janë parë të dy të veshur sportive dhe të kombinuar me njëri-tjetrin. Ata duken mjaft të lumtur teksa shëtisin rrugëve të përqafuar.
