Nga koha kur Justin Timberlake dhe Britney Spears ishin çift kanë kaluar rreth 17 vite, megjithatë ata vazhdojnë të njihen si një ndër kombinimet më simpatike.
Pavarësisht se ka kaluar kaq shumë kohë thuhet se midis tyre ka ende një shkëndijë dashurie dhe këtë e tregon një postim që Britney ka bërë së fundmi në Instagram-in e saj.
Këngëtarja ditën e djeshme publikoi një foto e cila fliste për një histori dashurie që kishte përfunduar dhe fansat janë të bindur që ky është një dedikim publik për Justin.
“Jetët tona nuk u përshtatën, por a dinin shpirtrat tanë si të kërcenin”, shkruhej në mesazhin e Spears.
Fotoja është shoqëruar me komente të shumta dhe pjesa më e madhe e tyre e kanë interpretuar si dedikim për këngëtarin duke e bërë edhe tag emrin e tij.
Spears dhe Timberlake kanë qenë bashkë nga viti 1999 deri në 2002 pasi punonin bashkë në “The all new Mickey Mouse Club”.
