Sot një prezantuese serioze e një televizioni kombëtar, Kiara Tito nuk i ka shmangur konkurset e bukurisë kur ishte adoleshente.
Sot, në prag të finales së Miss Shqipëria që do të mbahet nesër në Libohovë, Kiara Tito lajmëroi në Instagram se do të jetë e pranishme në këtë spektakël si pjesë e jurisë, duke ndarë edhe një foto nga 6 vite më parë, kur merrte pjesë vetë si konkurrente.
Me veshje tradicionale shqiptare dhe flokët e gjatë brunë, Kiara Titon nuk do ta njihnim sikur të mos na e thoshte vetë.
“Kjo foto është shkrepur në vitin 2013, atëherë kur mora pjesë në Miss Shqipëria. Një moment i paharrueshëm. Të shtunën, më 6 korrik, rikthehem aty ku nisi gjithçka, por këtë herë në mesin e anëtarëve të jurisë. U uroj shumë suksese të gjitha vajzave.”, shkruan Kiara në Instastory-n e saj.
Ajo s’ka shumë që është kthyer në ekranin e “Klan” për sezonin e dytë të “Doktor Plastik”.
Në fakt, Miss Shqipëria nuk ka qenë konkursi i parë i bukurisë për Kiarën. Kur ishte 15, ajo jetonte në Itali dhe konkurroi në disa Miss-e atje.
