Ditën e djeshme Dua Lipa bëri me dije se këngëtarja me famë botërore, Miley Cyrus do të jetë pjesë e koncertit “Sunny Hill Festival”.
Nëpërmjet një videoje që ngriti peshë zemrat e fansave shqiptarë, këngëtarja tregoi se ishte e lumtur që do të merrte pjesë në koncertin që zhvillohet në Kosovë.
Në video komentet entuziaste kanë qenë të shumta dhe mes tyre vihen re disa komente raciste nga profilet serbe.
Ata shkruajnë se Kosova është Serbi dhe se Miley do të bënte mirë të shkonte në Beograd dhe jo në Prishtinë.
Një tjetër përmend faktin se Kosova nuk është shtet i mirëfillte, ajo është pjesë e Serbisë pasi edhe në Eurovizion nuk është pjesë.
“Sunny Hill Festival” do të zhvillohet për të dytin vit në datat 2,3 dhe 4 gusht në kryeqytetin e Kosovës, Prishtinë.
Të ftuar do të jenë personazhe të njohur të muzikës botërore të cilët do të sjellin një atmosferë fantastike për publikun.
