Pak kohë më parë në media bëri bujë lajmi i tradhtisë së Tristan Thompson dhe modeles Jordyn Woods.
Dyshja u kap mat teksa shkëmbenin puthje pasionante në buzë përgjatë një feste.
Kjo histori i shokoi të gjithë pasi modelja Jordyn ishte mikeshë e familjes dhe shoqja e ngushtë e Kylie Jenner.
Në deklarata të ndryshme motrat Kardashian kanë treguar se janë shumë të zhgënjyera nga ky veprim i modeles, pasi me tradhtitë e Tristan ishin mësuar.
Ato nisën të ofendonin Jordyn dhe në këtë mes Kylie humbi mikeshën e saj të ngushtë.
Por me sa duket 21-vjeçaria është penduar për këtë veprim dhe në serinë e fundit të ‘Keeping Up With The Kardashians’, ajo debaton me motrën e saj, Kim.
Kylie i tregon se ky nuk është një veprim i hijshëm dhe Kim nuk duhet të vazhdojë të ofendojë modelen për gjëra që tashmë kanë kaluar.
Në këtë moment ngjarjet mes motrave janë komplikuar edhe Kim Kardashian është përlotur teksa sheh të motrën e saj në atë gjendje.
Fansat duket se nuk e kanë pëlqyer shumë këtë opinion të saj dhe komentet negative nuk kanë qenë të pakta. Ata mendojnë se Kylie duhet të mbështesë motrën e saj pasi tradhtia nuk falet.
