Gruaja e Kahraman konfirmon divorcin dhe jo, nuk janë ndarë aspak mirë

Pak ditë më parë çift i njohur turk,  Ozcan Deniz dhe Feyza Aktan i dhanë fund martesës së tyre.

Ata vendosën të ndahen vetëm 8 muaj pasi u bënë prindër për herë të parë.

Dyshja e kinematografisë turke nënshkroi dokumentet e divorcit në një gjykatë në Stamboll dhe mjaftuan vetëm 15 minuta që ata të nisnin një kapitull të ri.

Mediat turke shkruanin se ndarja kishte ardhur në mënyrë paqësore, pasi Fezya nuk kishte ndryshuar ende mbiemrin e saj në rrjetet sociale dhe gjithashtu mbante ende në profilet e saj zyrtare foto ku shfaqej së bashku me të.

Por së fundmi situata e dyshes ka ndryshuar dhe me sa duket ata nuk janë ndarë aspak mirë.

Së fundmi Feyza ka ndryshuar mbiemrin e saj në Instagram dhe ka bllokuar komentet në foton e fundit ku shfaqej me aktorin.

Shkak për ndarjen e tyre mendohet se ka qenë Feyza, e cila nuk arrinte të menaxhonte si duhej paratë.

- Advertisement -