Rozana Radi sapo tha se gjoksin e ka patur më seksi para se ta zmadhonte me proteza kur ishte adoleshente.
Këngëtarja/ tekstshkruesja/ moderatorja ishte sot e ftuar tek “BE Coffee” tek “E Diela Shqiptare”, ku e pyetur nga Bes Kallaku se cila mendon se është pjesa e saj më seksi, u përgjigj për gjoksin.
Rozana Radi madje e krahasoi ndërhyrjen për zmadhimin e gjoksit me një kat shtesë i cili nuk shkon ashtu siç duhet.
“E ke parasysh kur bën një kat shtesë dhe s’të del ashtu si e mendon?”, tha Rozana duke shkaktuar të qeshura.
Ndërhyrjen Rozana e realizoi shumë vite më parë në Shkup, ku siç tregoi tek “Mos i fol shoferit” në mars, vendosi ta bënte akoma më të madh se ç’e kishte planifikuar pak para se të hynte në sallën e operacionit.
“E kisha vendosur që do bëja një 3-sh abondent dhe kur hyra aty tha: “Rozana, nuk bëjmë dot operacion sot.” I thashë: “Pse?!” “Sepse protezat që kanë ardhur janë më të mëdha se 3,” tha ai. “Vëri këto”, i thashë, “ku kam kohë unë të vij, të harxhoj 5 mijë euro për 2 numra, të paktën të harxhoj për 4.” Dhe kështu përfundova me një gjoks bullgareje.”
Aq fort është penduar Rozana Radi për këtë ndërhyrje, sa në 2016-ën tregoi e ftuar tek “Zonë e lirë” se kishte në plan ta zvogëlonte.
“Është në planet e mia të ardhshme të zvogëloj gjoksin. Çiljeta pati problem. Unë e kam të vënë, do rikthehem tek gjoksi im.”
