Fansat e Game of Thrones e duan serialin paçka fundit jo fort të lavdishëm të tij, duke patur parasysh se sezoni i 8-të mori kritika të ashpra si nga fansat ashtu edhe njohësit e kinemasë.
Sidoqoftë, Alaudin Hamiti vijon të mbetet i pasionuar pas serialit dhe, kur takoi aktoren e cila luan rolin e Cersei Lannister, Lena Headey, nuk mundi të mos tentonte të shkrepte një foto me të dhe ta publikonte në Instagram.
Edhe pse aktorja ka dalë në profil pra le të themi, nuk është se ka pozuar për këtë foto.
“Ajo është gjallë”, shkruajti Alaudini, “E gjeta Cersei Lannister-in”.
Alaudini e takoi aktoren në Hungari. Këto ditë, drejtuesi i emisionit “NIN” në “Klan Kosova” ka qenë me pushime në Budapest.
