Kujtim Prodani e ka përjetuar shumë keq ndarjen nga jeta të të atit vite më parë!
I ftuar sot në emisionin e Rudina Magjistarit, për të folur për 30 vitet e mungesës së babait Agim Prodani, Kujtimi foli shumë i emocionuar.
“Dola nga binarët, e përjetova keq. Pas 30 vjetësh unë ndihem shumë nostalgjik, përjetoj emocione të bukura, sot do të ishte 90 vjeç. Ka kolegë që i kanë prindërit në këtë moshë”.
Por si e kujton babain e tij Kujtim Prodani?
Këngëtari dhe kompozitori i njohur rrëfeu se kur kujton të atin mendimet e tij shkojnë menjëherë në fëmijërinë e tij. Ai tregoi se ka kaluar një fëmijëri të vështirë, gjithnjë i përkushtuar pas pianos, muzikës dhe kërkesave të larta të të atit, i cili kurrë nuk ia tha një fjalë të mirë:
“Dua apo s’dua unë, kaloj automatikisht në fëmijërinë time, të cilën e kam kaluar në piano. I vetmi që nuk më tha kurrë një fjalë të mirë, siç ndodhte me mësuesit e pianos, nënën time. Do të kasha dashur qoftë edhe një buzëqeshje. Nuk ma dha kurrë këtë kënaqësi. Nuk u kënaq kurrë, ka kërkuar shumë nga unë”, u shpreh Prodani.
Kujtimi tregoi edhe momentin kur e gjeti të pajetë të atin në shtëpinë e tij. Ai tha se kishte vetëm 15 minuta që kishte folur me të atin në telefon. Nëna Anita nuk ishte në shtëpi, dhe Agimi i kishte kërkuar të blinte bukë. Kur Kujtimi mbërriti, askush nuk ia hapte derën:
“I rashë ziles, kishim një zile që tundej gjithë pallati. Mendova se babai ishte në ballkon. Kjo tentativë zgjati 3 çerek ore. Më pas shpërhtyem derën, pamja ishte e tmerrshme. Unë e humba, lajmëruam urgjencën por pa asnjë shans jetese”, kujtoi Kujtimi me emocion.
