Ky do të jetë viti i Gashit dhe nuk ka dyshim!
Që kur reperi publikoi këngën “My Year” në bashkëpunim me G Easy-n, e kuptuam që do të kthehej në hit kudo.
Dhe ja pas Kim Kardashian, e cila kohë më parë publikoi një video teksa dëgjonte këngën e Gashit (shiko këtu), një tjetër i famshëm stërvitet nën ritmet e “My Year”.
Bëhet fjalë për aktorin Mark Whalberg, i cili njihet për rolet e famshme në filmat aksion dhe normalisht që stërvitet për të mbajtur trupin e tij në formë.
Ka qenë vetë Mark ai i cili ka publikuar videon duke bërë ushtrime në palestër, ndërkohë që dëgjohej kënga e Gashit në sfond.
Më pas reperi shqiptar e ka publikuar vetë videon duke u shprehur mjaft i emocionuar që aktori hollivudian dëgjon këngën e tij hit.
