Familja e parodistit të njohur të Vlorës, Muhamet Liko, ka thënë disa fjalë zemre për të atin e saj, i cili u nda nga jeta dje në moshën 65-vjeçare.
Ai la pas dy fëmijë si dhe gruan e tij dhe nga dje, miq dhe të afërm kanë bërë dedikime lamtumire për aktorin e madh shqiptar.
Por ai më prekësi është i vajzës së tij, Alidës e cila ka shkruar një mesazh të ndjerë në profilin e saj në Facebook.
“O jeta ime, o Dritë o shpirt o dashuri e përjetshme, me helmove zemrën, me mrre jetën dhe mua. Të Dua pafundësisht shumë . Idhulli Krenaria ime Forca ime Jeta ime. U prehsh në Paqe o Engjëlli im”.
Parodisti u nda nga jeta në moshën 65-vjeçare si pasojë e një ataku në zemër, teksa ndodhej për kurim në Itali.
Tre parodistët e tjerë, Afrim Agalliu, Agron Hamo, dhe Mane Lumani, ishin të pranishëm sot në homazhet që po mbaheshin në teatrin “Petro Marko” ku nuk munguan lotët për humbjen e mikut të tyre të ngushtë.
